مركز تحميل عناد الصمت
عدد مرات النقر : 7,021
عدد  مرات الظهور : 36,136,907

الإهداءات


العودة   منتديات عناد الصمت > المنتديات الأدبية > واحة الخيال الأدبي والعلمي للكتب والروايات
واحة الخيال الأدبي والعلمي للكتب والروايات قسم للروايات والقصص الواقعيه او من وحي الخيال

« آخـــر الــمــواضــيــع »
         :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)       :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)       :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)       :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)       :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)       :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)       :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)       :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)       :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)       :: مطوع روحاني في السعودية | الشيخ الروحاني رحيم البغدادى 00201090998022 (آخر رد :الشيخ الصادق)      



إضافة رد
قديم 05-30-2013, 01:48 AM رقم المشاركة : 1
معلومات العضو
 
الصورة الرمزية همس المشاعر
إحصائية العضو







  همس المشاعر is on a distinguished road

همس المشاعر غير متواجد حالياً

 


افتراضي رواية غرور عشاق


بسم الله الرحمن الرحيم

السلام عليكم بعد غياب...للظروف واليوم رجعت لكم بروايه جديده ويارب تعجبكم..وأتمـنى ألاقي تفاعل مميز منكم يا أحلى اعضاء ..

/////////////
قصة غرور عشاق

لـ قلب نجد


&&& قراءه ممتعه اتمناها لكم&&&


مدخل
لي رغبة فيك ما آدري وين آوديها
عجزت آعلمك عنها وأنت متنآسي


مليت آكحل عيوني صمت وآعميها
مليت آعلمك بعض اللين يا قآسي



البدايه~

في فيلا كبيـــره في شمال جــده...,
„„اصـوات”دي جي واغاني ريمكس.وإضاءه ملونه ورقص واستهبال بنات..وابخرة سجاير..وشيشه...،
مايا قامت واخذت كاس وطبعا اللي فيه عصير„بس تستهبل/بناااااات
الكل صفر وصفق...
مايا بإبتسامه/اليووم البارتي هذا بمناسبة صديقتنا اللي تو انخطبت و بعد كم شهر راح تتزوج اللي هي طبعا ” نــــدى”
البنات بصوت عالي/واااااااو
ندى ابتسمت بخجل وتأشر لهم”يعني عللى راسي”/خجلتوووني هههه
الكل صفر وصفق وفرح لهااا...
مايا/ههههههه عقباااالكم بنااات هههه
البنات/اميييين
رسيل اخذت المايك/اوكي اللحين نبي نفلها سهر ورقص للصباح ديجي نبي صوووت اعلى للميوزيك اااااااا
بالجهه المقابله لهم في نفس الصاله...،
وحده من البنات لابسه تنوره جينز لنص الفخذ وبدي اسود كت نصه من فوق مغطى بالترتر وشعرها قصة الايمو وباين مكتئبه وتدخن شيشه و جالسه وحاسه بدوخه،وظفشانه..
رن جوالها وخافت/
اقبلت رسيل وهي تمشي برقصه دللع/نور قومي اررقصي شفيك منفسسنه هههه
نورا بتعب وحزن/رسيل انا دايخه حاسسه باني حختنق
رسيل خافت/نوور حبيبي فيك شيء
نورا رن جوالها وقامت بضيق وطلعت عن الازعاج...
رسيل خافت عليها،وشكت في وضعها(لايكون ...نايف مضايقها)

نورا بترجي/حبيبي بلييز اسسمعني
نايف بالجوال/آآسف ..ما اعرف هالاشكال
نورا/نايف بليز الله يخليك انتا عارف ايش بيصير فيا،والله بيقتلوني
نايف بضحكة انتصار/هههههه بالتراااااب لو تموتين منتي خساره
نورا/نايف انتا ماترضاها لاخواتك ولا لبنات عمك واقاربك
نايف/اصصص ولا كلمه..لا تجيبين طاري بنات الحمايل على لسانك القذر يالوااااطيه ههههه ..طوط طوط طوط
رسيل دخلت على بكاء نورا/نووري حبيبتي ليش تبكين
نورا جلست بزاوية البلكون وضمت ركبها لصدرها وكأنها بردانه..
رسيل،شكت بوضعها/نورا ايش سوالك نايف
نورا بضيق وغاصتها العبره/هجرني
رسيل/ههههه اقوول قومي لاتسوي فيها افلام...واذا سابك...ايش يعني،،عاادي
نورا،بكت وساح كحلها اكثر/آآآآه بس آآآه
رسيل/سيبيه هو الخسراان
نورا بلهجت تهكم واختلطت دموع وضحك/هههه والله ما خسران غيري انااا ههههههه
رسيل جات وجلست جنبها وربتت على كتفها/لا ماعليك..انا قايله لكم ايش لكم بوجع الراس ليش تحبوا،،انسيه الرجااال في بدالو مية رجال خليه يرووح الله لا يردو
نورا نزلت دموعها وببتسامه قهرر/هههه خلاص انا انتهيت ي رسيل<<بكت
رسيل بنظرات بريئه ورحمه/ايش اللي انتهى..انتي بخير وعافيه وحلوه والكل يتمناك راح تلاقين اللي احسن منو
نورا بضيق نزلت دمعتها حاااره،حطت راسها على كتف رسيل/انا طلعت مع نايف ي رسيل..نايف خدعني وقدر فيا
رسيل ابعدت يدها عن كتفها شوي وهي مصدومه/طلعتي معااااااه!!!
دخلت مايا وهي مذهوووله
/
/
/


نروح لمحور القصه الاخر...
في مكاااان آآخر...في احدى القرى. الزراعيه..
الساعه 6الصبااح
اصوات عصافير تغرد والديكه تأذن...والنسيم عليــل جاي من المزارع المنتشره بكل مكان بالقريه...،
في حوش كبير داخله بيت عربي"""
سيدة البيت طلعت ومعها سطل ورايحه المزرعه...وصلت حوش البقر علشان تحلبها طبعا".....،

داخل البيت_
ساره البنت الكبيره،طلعت من المطبخ بعد ماحطت القهوه على النار/يوووه هالبنت باارده الساعه صارت سبعه ونص وهي للحين بفراشها!!
وصلت غرفتها وفتحتها/نــجـد ي نــجد
نجد من تحت البطانيه/اوووف يالله صبااح خير شتبييين
ساره سحبت البطانيه ورمتها/ي بنت بلا كسسل الساعه سبعه
نجد/اووه ان شاء الله سبعين شتبيني اسويلك يعني
ساره/ولا شيء بطلع وبيجي ابوي من المزاارع وبقووله نجد للحين ماقامت والدجااج محد راحله ولا احد اخذ بيضه و محد راح للخيل و.....
نجد بلا مبالاه/قوليله ماعلي منك
ساره ابتسمت/طيب هو جاء..يباااااه يباااه
نجد قفزت من سريرها/خلاص خلاص قمت يا فتانه اسسكتي
ساره/ههههه ي خووااافه ههه
نجد طلعت ركض للحمام تغسل وجهها وراحت بعدها تسوي شغلها الدائم...
راحت ساره لمطبخها تسوي الفطور وهي تسمع الراديو اذاعة الرياض برنامج”صباح الخير”....
رجعت ام ساره وحطت الحليب/صبحتي بالخير ي بنتي
ساره حبت على راس امها/صباح الخير ي احلا ام بالديره
ام ساره/يمه يا ساره هذا الحليب اغليه وبعد مايغلي
ساره ببتسامه/يمه الله يخليك عاارفه عاارفه
ام ساره/الله يرضا عليك يا بنتي„انا رايحه اتشطف واغير ملابسي واقعد عند ابوك تعالينا بالقهوه
ساره/ابشري
<<< راحت ام ساره

رجع ابوساره من المزارع بعدما خلص اشراف على العمال..وجلس في الجلسه الحلوه فالحوش وهو ينادي/ي بنــآآآآت
وينكم
ساره/انا جايه يبه
ابو ساره جلس يغني بهالقصيد „„„

بالمزرعه„
نجد بعدما راحت للخيل واطعمتها راحت كالعاده ونسست نفسها بين الدجاج وجلست تلعب مع الصوص بعد ما خلصت شيل البيض...،
نجد شافت المويه تصب فالخزان الكبير وجاتها فكره وراحت ركض وحطت البيض على جنب وصعدت فوق وجلست تشرب من الماء الباارد اللي يصب/آآآه ي حلاته
صوت من بعيييد/نـجــد انتبهي لا تطيحين
نجد شهقت مو مصدقه/عبـآآآآدي
عبدالله جاء يمشي على هونه ومعاه بندقية الصيد/اي عبادي شخبارك نجد
نجد قلبها طبول راحت تستقبله/بخير عبادي انت شلوونك
عبدالله وهو يتأمل عيونها الزرقاء كيف غامقه وتلمع/انا بخير
..
نجد استحت من نظراته هالمره واقف ويقز!???
عبد الله واقف يناظر بعيونها ومتعمد„يبي يشوف الحب بعيونها البريئه........

[أنتي أجمل حب واحساس وشعور..
الغلا اكبر من اني اوصفه.
انتي أكبر هم عشته في سرور.
والاسى ماكان قلبي يعرفه.
انتي اصدق جرح يامسك العطور.
انزفه بعدك وقربك انزفه.]]

نجد دمعت ببتسامه،شوقها الطفولي غلبها/
عبدالله يغير الموضوع/ههههههه انتي للحين تجمعين بيض وترعين الدجاج هههه
نجد ببراءه/ههههه اي للحين وتوني مجمعتهم.. تبي؟
عبدالله عرف قصدها/لا لا تكفييين هههههه
نجد بضحكات طفوليه/ههههه ههه ههه
عبدالله يمووت على ضحكتها الفوضويه/اشتقت للديره وهواها..،
نجد استحت من نظراته وكلماته..وبدأت ترتبك!
عبدالله ابتسم على حياها/شفيك سرحتي
نجد شدت على لثامها وهي تناظر فيه وقفت تناظر بشكله/عبادي انت صاير اسمر
عبدالله/هههه تووني طالع من الكليه الامنيه وش تبين اصير
نجد رحمته/ي حراام!!
عبدالله/هههه اي حراام هههه صرت ضابط ي نجد اللحين„يلا بكمل جوله
نجد ناظرته بنص عين وبمزح طفولي/طيب ي حضرة الضابط انت ليش جاينا بمزرعتنا مع هالصبااح ماعندكم مزرعه؟؟!!
عبدالله رفع البندق الناريه/شوفت عينك اصيد طيور واتمشى
نجد تذكرت الوقت وشهقت/يوووه تأخرت يلا بروح بامان الله عبادي..
عبدالله وقف يراقبها/بمان الكريييم ....ي لبى البراااءه قسسسم ماتغيرت اللهم حطت ذاللثمه وطالت شووي وحلوت شويات وصارت.....عروس... (اكيد عروسي انا..مافيه غيري كل شباب الديره يدرون انها صديقة طفوله بالنسبه لي ماراح يقربون ناحيتها ولو فكر واحد منهم).. هالبندق بين عيونه علطووول ههههههه




على سفرة الفطور
بو ساره/وين راحت هالبنيه
ساره/هههه تلاقيها تلعب هاللحين
ام ساره/فديتها للحين لعب اطفال مادري متى تكبر هالبنت
بو ساره/حبيبت ابوها واميرته نجد
ساره بنص عين/وانا يبه
بو ساره/انتي الشيخه
ام ساره/والله اللي رحت انا فيها وحده شييخه ووحده اميره وانا وش
بو ساره بنبرة حب واضحه/عاااد انتي الخير والبركه انتي الكل فالكل يالغاليه
ام ساره استحت/الله لايحرمنا منك ي ابو ساره
اقبلت نجد ومعها سلة البيض وحطته وغسلت بسرعه وراحت تحب راس امها وابوها//خلصتوا الفطور عني
الكل/ههههههه
نجد جلست/شتضحكون عليه„ساره صبي لي حليب بسررعه
ساره/هههه سمي بالله اول شيء
نجد/اخلصي علينا بسسس
بو ساره/نجد وش أخرك اليوم
نجد بسعااده/رحت للبركه اتمشى وشربت منها مويه البركه
ساره/الا قولي لعبتي فالصوص وحستيه
نجد ششهقت/آآنــآآ
ساره/لا واحد من الجيران اجل من
نجد/يــبه ناظر ساره بس تبلاني
بوساره ابتسم على سوالفهم/حصل خير حصل خير
ام ساره/الله ي مكثر ثرثرتكم صجيتونا مع هالصباح افطروا
بوساره/ساره صبي قهوه
ساره/ من عيوووني ي ابو سـآره
/
/
/
/
في العصر...،
جالسه ساره وحاطه كريم على سيقانها ويدينها وجالسه بغرفتها ومسترخيه بعد عناء يوم وبين يديها اللاب توب...
نجد دخلت وشافتها كالعاده/سااره العلبه اللي سويتيها لي خلصت
ساره شهقت/ما أمدااها ي نجد
نجد/ساره علبتي صغيره مو مثل علبتك وش كبرها
ساره عصبت/نجد ترى بهذلتيني كل ماسويت شيء بتقلديني
نجد/سااروونه الله يخليييك..والله الكريم اللي سويتيه رووعه ناظري بشرتي صارت تلق مثلك
ساره/مو انا ي حبيبتي من سنين اعتني بنفسي مو اللحين
نجد/ساااره عااد لاتذليني علشان هالكريم
ساره/امرري لله بس ترى انتي مايحتاج الا شيء بسيط انتي لونك حلو بس يبيلك شوية عنايه راح اسويها لك بس علبه كبيره وبعدها مافي فااهمه
نجد استانست/بحاول بحاوول
ساره سكتت تفكر وطرت ببالها فكره/نجد
نجد/سمي
ساره/شرايك اقص شعري فكتوريا
نجد ناظرتها بنص عين/ساره صحيح انا تعجبني عنايتك ببشرتك اللي كنها مرايه ويدينك الحلوه وذووقك باللبس بس اسمحيلي فكتوريا ماتصلح لك
ساره تفاجأت/ ليــه
نجد ببتسامه/رقبتك طويله مايصلح تقصين قصير بيطلع كنك غبيه
ساره شهقت/اي والله صاادقه بيطلع ماله داااعي شكلي
نجد بحماااس/اسسمعي وش سمعت امي وابووي يتكلموون عنه
ساره/وشوو
نجد/ابووي يقول لأمي انه هالاسبوووع ملكتك
ساره سرحت وسكتت من الحيا/
نجد ببتسامه/الظااهر بتروحين بدري وبتخلينا وراك
ساره ببتسامه/عقبالك
نجد لفت بدلع/لااا حبيبتي بدررري علي..
ساره/ولو تقدملك واحد مملوح مثل رايد خطيبي
نجد وهي تلعب بقصتها بعباطه/مثل رااايد يععععع..اسمحيلي ثقيل دم ومغروور....
ساره بنص عين وابتسامه/لا والله اجل شرايك بمرزوق ولد عم اخوك من الرضاعه سعيد
نجد ببتسامه/مرزووق احسن منه ع الاقل مرزوق ولد ام مرزوق بياعت البراقع...خفييف دم وفللله وصديق طفولتي انا وسعيد اخوي بعد هههههه
ساره كانت مبتسمه اخذت المخده ورمتها عليها/ماااللت
نجد/حيلك حيييلك هههههههههههه وه ي لبى سعيد والله اني اشتقتله ذكرتيني بروح اتصل عليه والله الديره ماتسوى بدونه هالاسمر المملوح
ساره/هههههههه واسأليه عن مرزوق بالمرره
نجد/هههههههه
/

_
جــــده~
رسيل جالسه تذاكر ..بس متضااايقه..نزلت اوراقها وفتحت درج الكومدينه واخذت مسكن ألآم الراس واخذت حبه وحاولت تسترخي شوي علشان تعرف تكمل مذاكره..
سمعت صوت مسج واتساب..*
استقعدت واخذت جوالها بسرعه لانها تنتظر اخبار عن نورا
قروب[جده قيرلز]
نورا*
بنات الحقووني (فيس يبكي)
مايا*
ايش بك ي بنت
أنا*
(فيس خاايف)
نورا*
ابويا ماني عارفه ايش بيسوي فيا...يقول بيخفيني عن العالم
مايا*
طيب ليه..لا يكون عرف باللي صارلك
نورا*
لااااااااااا
شاف لاب توبي وشاف محادثاتي مع نايف واخذ البلاك مني وحرمني من الخروج
انا*
طيب ليه كل هذا
مايا*
ايش خلاه يشك فيكي من الاول؟
نورا*
سمعني وانت اكلم نايف البارحه وابكي...
انا*
ي حمااارا كلمتيه تاااني!!...ليـــه
مايا*
يووه طيب ايش صااار بالضبط
نورا*
اتفق مع عمي في الديرا...حقتو انو يزوجني ولدو وانا ما اعرفوا وصارت الملكه اليوم الصباح في المحكمه... بنااات انا مخنووقه ماني عارفه كيف اتصرف
انا*
الله يعينك ي قلبو
مايا*
نوورا وينك
انا*
نووووووررراااا ردي لا تخوفيني عليكي
مايا*
نووورا رودي
رسيل ششكلها رااحت....
~~~~
رسيل خافت من جد على نورا ونزلت من سريرها وهي مرررعوووبه/ايش صار لها ...الله يستر
/
/
,((((((((((((((وش صــــــــــــــــــــار لــ نــورا)))))))))))))


القريـــه~
حديث مهم وحامي بينهم`````
ام ساره بعبره خانقتها/بس ي بو ساره مابي بنتي تبعد عني
بوساره/ماراح تبعد...وبعدين السيارات تقرب البعيد
ام ساره/ولو قلبي مو مطمن ابد البنت توها صغيره ي حبيبي خلها بعد شوي
بو ساره/عمها كلمني وقال نبي عروس الوليد
ام ساره/هووو وليد ماغيره كبير على بنتي
بو ساره/موب كبير حيل 27سنه
ام ساره/بنتي عمرها 20سنه توها..قلهم يزوجون ولدهم من جده ازين ويتركون بنتي
بو ساره/ي ام سااره افهمي هذا ولد عمها وابوه خاطبها وهي صغيره لوليد واتفقنا اننا نزوجهم مايصير ارفض اللحين
ام ساره خنقتها العبره/بس انت ماتعرف شيء وليد عمره ماجاء للديره ولا حتى سلم على اهله،شلون نزوج البنت واحد ما نعرفه؛لاتنسى تراها أمانه
بوساره خنقته العبره/هذا ولد عمها وبيصونها احسن من الغريب
ام ساره/والله اعطيها اي واحد من الديره رس اعرفه وقريب ازين من الوليد ولد عمها ع الاقل اعرف تربية عيالديرتنا
بوساره عصب/ي ام سااره خلصنا قفلي ع الموضوع
/
/
/
/
نجد ~ جالسه وتبكي وتنزل من الدموع وبيدها كلينكس وتعبر وتشههق بالغرفه لحالها
ساره سمعتها وهي ماره من الغرفه وراحت لها/نجد وش فيك
نجد وهي تنهد أشرت بأصبعها على التلفزيون/العم فيتالس مات
ساره التفتت على التلفزيون والا تلاقي مسلسل الكرتون ”ريمي” على سبيستون/حسسسبي الله على بليسك اللي يشوفك يقول مات لها غالي
نجد وهي تبكي وحزينه/ي قاسيه...العم فيتالس اطيب واحد وساعد ريمي ويعاملها مثل بنته فقدته ي لبيــه يا عم فيتالس من لريمي بعده ي حرام
ساره تناظر فيها وهي كاتمه الضحكه/بذمتك متى بتكبرين انتي هاا متى
نجد ما اهتمت لها وكملت بكاها/انتي ماعندك قلب
ساره/ههههه اسسسمعي الخبر الجديد في الحاااره بسسس
نجد وهي تمسح دموعها/ايش الخبر يعني
ساره/ هديل العاصم
نجد/قددديمه ادرري انخطبت هههه
ساره /لاااااااا
نجد خافت/اجل وش بلاها صديقتي،،تووني كلمتها الباارح ترى روعتيني
ساره/يقوولك عمهم سالم اللي اغترب عنهم 25سنه كلمهم وقرروا بيزوجون بنته لولدهم..
نجد اسستغرربت/كذاااا من الباب للطاقه
ساره/هذا اللي سمعته
نجد/يماااه
ساره/ههههه شفيك
نجد سكتت وصدت عنها..
رن جوال نجد وشافت الرقم واستااانست/سسسعيييييد..
سعيد بالجوال/السلام عليكم
نجد/وعلييكم السلام سعيييد وييينك ي الدب
سعيد/ي لبى هالصوووت،الدراسه والشغل ماخذين كل وقتي ابي اخلص
نجد/الله يوفقك،بشرني عنك عسى مرتاح في جده
سعيد/اي الحمدلله اموري تمام ومرتااح
نجد/حبيييبي بو كشششه
سعيد/ههههههه حلقتها خلاااص صرت اصلع
نجد شهقت/لااااااا..ليـــــه شلون انتهاوش اللحين..
سعيد/شسوي بهذلتني ذاالشووشه وجزيتها هههههههه
نجد/ههههههههههه
جلسوا يسولفون وساره قامت وطلعت وهي تضحك على سواليف نجد مع سعيد اخوها بالرضاعه،واسمر البشره كانوا جيراان ورضعت معه نجد لان امها توفت وماكملت سنه...وتربت مع سعيد لان البيت بالبيت،الفرق الوحيد ”لون البشره”نجد بيضاء وسعيد وأمه من السمر..بس مايههم_
/
/
/
/
/
/
جـــــده_
بو متعب بصوت فخم/قلتلك مانت متزوج غير بنت عمك وبس لا تقوم تقول ابي فلانه وعلانه مو من مواخيذنا،غصصبن عليك بتتزوج مو بكيفك يلا انقلع عن وجهي روح لمكتبك
الوليد قام وهو متنرفز وراح.....،
متعب/يبه ماكنك قسيت عليه شوي
بو متعب/يستاااهل،،عطيته وجه،،مابقى الا هي طول هالسنين اربيه وبالاخير يقول بيتزوج وحده مالها اصل مادري منين عرفها
متعب/يبه روق نفسك هدي اعصابك،وليد راح يتزوج اكيد
بو متعب/المهم جهز نفسك ترى برسلك للديره بموضوع المهر
متعب/انااا!!!!
بو متعب/ايه انت
متعب ببتسامه/آمر طال عمرك
بو متعب بتسامه/انت بعد ماودك تتزوج عاد
متعب تذكر زوجته المتوفيه من فتره وسكت متضايق...
بو متعب/ادري ان المرحومه ماتنتعوض بس هذي سنة الحياه وانا بوك
متعب/يبه موب اللحين„„طلبتك لاتفتح هالموضوع ثانيه
بو متعب/بكيفك لا تزعل„بس فكر
متعب سكت وهو متضايق...
///
~
~
في الجامعه£
جالسه رسيل على اعصابها(ي ربييييي..فين نوورا ماداومت)
اقبلت مايا ونزلت نظاراتها/اوولا <<مرحبا بالاسبانيه
رسيل وبالها مشغول/هااي...ميووش نورا لها فتره ماتداوم راح يجيها حرمان واحنا قربنا نتخرج
مايا جلست جنبها/اسسسكتي انا امس ماجاني نوم بس جالسه
افكر وقررت اني اروح لها البيت
رسيل/ايوا ايش صار؟..شوفتيها؟هي بخير
مايا بخيبت أمل/لا والله ماشوفتها وفتحت الباب مره كبيره وقالت ليا انو اصحاب البيت طلعوا وباعوه من اسبوع ونقلوا مكان تاني
رسيل وقفت على حيلها ونزلت دمعتها/ونوورا
مايا/اختفت معاهم لا تليفون ولا عنوان
رسيل حطت يدها على فمها دليل صدمه.....
~
~
~
الليل_
وليد عالكورنيش ويدخن/صدقيني مو بيدي ي جمانه ابوي ضغط علي
جمانه والسيجاره بفمها سحبت نفس ونفخته وتناظر البحر واقفه وساكته بغضب/
وليد التفت عليها/جوجو تكلمي لا تسكتين كذا
جمانه بلكنه حجازيه/ايش تبغاني اقولك،
الوليد/اي حاجه
جمانه/طبعا انتا منتزر مني امنعك تتجوزها صح
متعب/انا افكر كذا اترك الشركه واتزوجك ونعيش مع بعض واتوظف باي مكان
جمانه/وتسيب شركة ابوك ي ذكي
وليد/اهم شيء انتي
جمانه/لا ي حبيبي انتا ماراح تسيب شغلك مع ابوك وراح تتجوز بنت عمك
وليد استغررب/عادي عندك اتزوج غيرك
جمانه بابتسامه خبيثه/انتا ماراح تتزوجها الا ع الورق
وليد ببتسامه/تغارين ي عمري
جمانه بغروور/انااا اغاار من وحده قرويه،عمرها ماطلعت من قريتها هههههه هزلت ههههههههههااي
وليد ابتسم وجلس يدخن/يعني عادي ماراح تزعلين مني ي جوجو
جمانه/اهم شيء ابووك مايزعل منك ويحرمك من الفلوس ويعطيها كلها لاخوانك وتقعد بلا حاجه
وليد قرب منها ومسك يدها/حبيبتي الله لا يحرمني منك
جمانه بنظرة خبث /ولا منك حبيبي...
وليد/متى بنتزوج
جمانه ناظرته بطرف عينها ومشت قدامه وهو لحقها.......،
/
/
/

عبدالله في الحوش جالس مع اخته ونجد يشربون شاهي ويسولفووون~
نجد قلبها يرجف وهي تشوف عبدالله يسولف قدامها ويضحك”تمووت عليه بسسكااات”...،
عبدالله كل شوي والثانيه يخطف منها نظره وهو وده يطالعها ويرفع هاللثام من وجهها،ابتسم
ساره/نجد صبي شاهي
نجد سرحااانه...،
ساره هزتها/نجججججد
نجد انتبهت/هااا
ساره/هههه شسرحانه فيه
عبدالله قلبه يدق لها ويقول بخاطره(لبى عيووونك)
ساره/صبي شاهي
عبدالله قام/انا استاذن
نجد رفعت ناظرها له/عباادي تو النااس
ساره/اي والله تعشى معنا
عبدالله/امي وبسوم ينتظرووني يلا اشوفكم على خير
ساره تذكرت حاجه/عبدالله اقعععد شووي بروح اجيب لاب توبي علشان توديه معك لجده وتصلحه
عبدالله جلس/يلا روحي بسرعه
راحت ساره___
نجد ظلت تطالع فيه/
عبدالله راح وطي مع عيونها الزرق الغاامقه،وببتسامه/تغيرتي ي نجد
نجد عينها بعينه مو قادره تبعدهم/وش تغير فيني
عبدالله/كبرتي وصرتي هاديه شوي و..<<سكت
نجد صغرت عيونها الكبار وبنبرة دلع/وايش كمل
عبدالله سرح ونسى نفسه/صرتي اطول وزدتي حلى،
نجد حمرت خجل وهي تطالع فيه وبداخلها من الشوق الله اعلم به..شلون يقول زدتي حلى وهي متغطيه منه من زمان..! والا حبه لها محليها بعينه..!!
عبدالله/ممكن اطلب منك طلب..اقصد سؤال واعتبريه طلب
نجد بفضول/قول اي شيء عبادي لاتردد
عبدالله قرر يقولها عن مشاعره/نجد بصراحه انا ماعدت اصبر في موضوع شاغلني وداايم افكر فيه من سنين والله مو سنه ولا سنتين
نجد ببراءه/قول عبادي
عبدالله قرر يقولها/بصراحه انا من...
جاءت ساره معها اللاب توب/سوووري تأخرت عليك عبادي
عبدالله قطع سالفته والتفت على ساره/عادي حببيبتي..هاتي الجهاز
ساره مدته له/سم
عبدالله ببتسامه وهو مقهور على الفرصه اللي راحت عليه/وش يشكي منه
ساره/مادررري بس يعلق،زهقني
عبدالله/اجل فيه فايروس..ع العموم بزبطه لك وبجيبه المره الجايه معي يلا تامروون شيء
نجد،عينها عليه وهو واقف/سلامتك عبادي،وانتبه على نفسك
ساره تناظر فيها ومسستغربه نبرتها/!!!!!!
عبدالله وعينه على نجد/الله يسلمك نجوده،يلا باااي ساره
ساره طبعت بوسه على خده/بااي عبادي
عبدالله طلع وقلبه عندهم...،
ساره بنص عين ناظرت نجد وتتريق/سلااااااامتك عبااااااددي انتببببه على نفسسسك
نجد رمت الشيله ورفعت عن كمومها/احس بنبرة تريقه
ساره ابعدت/ هههههههه شفيييك انقلبتي
نجد لحقتها/نبرة التريقه حقتك هذي ماحبهاااا والله لاورريك
لحقتهاااا وملأوا البيت صياح وضحك......،

/
\
/
\
في شقته
حووسة ملابس وزجاجات شراب فارغه.. وهناك على الكنبه شماغ مرمي وبالجهه الثانيه
بالغرفه
نايف نايم لحاله وبسااابع نومه بعد..
رن جواله بشكل ادووشه وطفششه
نايف استقعد وشافه ابوه ورد من غير نفس/هلا يبه
ابوه فالجوال/اسسسمعني ززين غصصصبن عنك تجي تشوف العروس ونسوي العرس

نايف بعصبيه/هماكم زوجتونيها غصبن عني خلاص لا تخافون بجيكم بس
ابو نايف/متى متى هااااااه
نايف/اذا خلصت دورة العمل اللي انا فيها بجيكم
ابو نايف/الهمااام لا تقعد تسسحب علينا وانا ابووك لا تفشلني عند عمك ،ترى من سنين ماتواجهنا ولا عمره طلب مني شيء،،هالطلب لا تفشلني فيه
نايف/نفسسسي اعرررف انا وشش دخلني في مشاكلكم،،اذا بتتصالحون لازم تزوجوني!!
بو نايف/ااحمد ررربك اخذتها ،بنت ماعليها كلام،هذي بنت عمك،، يلا سلاااام
نايف سكر الخط وهو طفشششااان واخذ سيجاره وولعها وقام راح في الصاله ويفتح التلفزيون ويقعد يتفرج
رن جواله نغمة واتساب..وفتحه..
055533........*
هاااي بيبي
نايف اسسستغرب/وش ذلرقم الحلو هذا!!!! يلا خلني ارد شكلها بنت هههههه شوراانااا ههههههه
أنا*
هااااايااات
055533........*
كيفك نايف؟
أنا*
تعرفيني؟؟
055533........*
وهل يخفى القمر
أنا*
من جد..تعرفيني؟؟
055533........*
ايووه اعرفك...شفتك في ستار بكس
<<<<نايف قام يتذكر.../ي كثر ما رقمت ،،والله ماذكررررر ترقيم ستار بكس
أنا*
ذكريني شوي
055533........*
خلاص دامك ناسيني اوكي باااي،امسح رقمي وانسسساني
أنا*
لا بيبي لاتروحين..استني
055533........*
يعني تذكرتني
أنا*
خلينا نتقابل في الكافي ونذكر بعض شراايك
055533........*
اووكي...
/
/
/
/



#صباح اليوم الثاني
مهند آخر العنقود بصف رابع ابتدائي جالس ويلعب قيمز في الايباد!!
ام متعب جالسه وتطالع وتتحايله/مهند قووم ذااكر الله يصلحك
مهند/طيب ماما بس شووي بسس
اقبلت راما عمرها 5 سنوات/جدده الحقيني
ام متعب اخذتها بحضنها/فددديتك ي روح جده انتي من اللي يلحقك
راما/سوسا
ام متعب/سوسا ههههه سوسا تبي تنومك ي حبيبتي يلا روحي معاها
راما بعناد/لااااا ابي ماامااا
ام متعب تنهدت/الله يرحم امك ،،تعالي انومك انا
ام متعب اخذتها وراحت___
نزلت رسيل ومعاها مايا صديقتها...وبينهم سالفه حااميه،
مهند يكره مايا قام وراح لغرفته وتركهم....

رسيل جلست بحماس/ابي اجيب راسه هالواطي بكسسر راسه
مايا/نايف خليه علي هذا شغلي
رسيل بحماس/كفووو
مايا/نسيت اسألك عطيني رقم نايف
رسيل قامت/لحظه بروح اجيب جوالي من فوق نسيت
مايا/بسرعه
<<<راحت رسيل لفووق
دخل وليد بهاللحظات وماشاف غيرها/هااي
مايا ناظرته ببتسامه عاديه وصدت/هاي
وليد خق على شكلها ولبسها/شلونك مايا
مايا/بخير وانتا
وليد قررب ويقزها ولبسها جينز ضيق وبدي كات مبين الصدر والجسم اللي يسحر/تماااام
مايا قامت من نظراته اللي احرقتها/انا ماشيه باي
وليد بلع ريقه/باي
مايا اخذت عبايتها من الشماعه اللي عند الباب ومشت وعطته نظره وطلعت/
نزلت رسيل ركض ومالقتها/مااياا
الوليد جالس ويوزع ابتسامات/مشت
رسيل (مو مشكله برسل الرقم لها في الواتس)

رسيل جلست قبالته ببتسامه تبي تغيضه/هلا بالعريييس ههههه
الوليد/رسيل انكتمي ولاتفتحين هالسيره
رسيل بعناد/ي حليييله زوج القروويه حركاااات
دخل زياد عمره18سنه/صددق بيتزوج قرويه هههههههاااااي
الوليد/ان ماسكتتوا ي ويلكم
رسيل/ههههههههه
زياد/هلا هلا بالكاو بوي زوج القرويه ههههههههه الحمدلله انا صغير وبنات عمي القرويات اكبر مني هههههه
رسيل هي وزياد اتحدوا/لا ي ”اوورري” ماني مصدقه وليد الجنتل بيتزوج قرويه هههه
زياد يستهبل/آآه ي بطني ههههههههههههه
الوليد راح بيتوطى ببطنه وجلسوا يتضاربون
دخل بو متعب ومعه متعب~ وشافوهم يتضاربون..
بو متعب بصوته الكبير/ي عيااااال
الوليد وزياد فكوا بعض ووقفوا زي العسكر!!!!
بو متعب/شفيكم انتم انهبلتوا يلا زياد شمسهرك للحييين ...يلاااا على غرفتك
راح زياد ولحقته رسيل
بو متعب/رسسيييل وقفي
رسيل ببتسامه تذوب ابوها/سم يبه
بو متعب بحب/ي بنتي السايق يشكي منك،خفي عليه
رسيل تدعي على سايقها بداخلها وتكلمت بدلع/انااا!!!!!
بو متعب/اي نعم انتي،انتبهي لدراستك ازين واتركي عنك رفيقات السوء واللفلفه الزايده
رسيل ابتسمت بخوف وراحت تبوسه وحركات/ابشر يبه...بس لا تززعل بليز بابا....ترى السايق يبالغ..
بو متعب يحب دلع بنته الوحيده عليه / فديت روحك بس ولو ارفقي على نفسك ي بنتي.ويلا على غرفتك
رسيل ضمته وباسته راحت ترركض/تصبحون على خير
الوليد خايف من هواش بعد/يلا تصبحون على خير
بو متعب بلهجة امر/انت اسمعني زيين هالبنت اللي مصادقها تتركها حالا،فهمت؟
الوليد تضايق/بس يبه انا.....
بو متعب قاطعه/ااسمعني ززين،انت حاليا رجال خاطب وبتتزوج بنت عمك اللي بتشرف العايله
الوليد يكلم نفسه”هذا ان اعتبرتها زوجه”
بو متعب/ي ولد اذا تكلمت اسمعني فاااهم
الوليد/فاهم يبه فاهم عن اذنكم بنام
<<<<راح الوليد
متعب ببتسامه حب راس ابوه/يبه لا تحرق اعصابك
بو متعب/تعب قلبي اخوك موب راضي يعقل
متعب/ادعيله الله يهديه ويصلحه بس
بو متعب/امين....يلا .أنا رايح انام ي ولدي تصبح على خير
متعب/وانت من هله
راح متعب لغرفته وجلس وهو تعبان ونفسيته تعبانه بس مايبين لأحد...ساكت على همه..تذكر زوجته شريكة حياته اللي خطفها الموت من بين يديه „„„تذكر طيبتها وابتسامتها الدايمه حتى بوقت مرضها وآخر مره طلبت منه انه يحمي ”راما” ومايخليها تفقدها وتضايق ونزلت دمعته،،!!
/
/
/
/
القريه/
(العصر)
غرفة ساره~
ام ساره جالسه وتتفاهم مع بنتها/هاااه ي بنت الحلال موافقه وع الملكه بعد يومين
نجد طلت من الشباك بلقافه/يماااه افهميها عاااد،السكووت علامة الرضااا
ساره استحت وخزت اختها
نجد مدت لسانها/ماعلي منك ههههه
ام ساره/صحيح اللي قالته اختك
ساره هزت راسها بالإيجاب/صحيح يمه
ام ساره ببتسامه/على بركة الله ان الله
نجد قامت تزغرد وترقص/الله الله الله كللللللللوووووش
ساره صار وجهها احمرررر
ام ساره قامت تضحك على حركات نجد
/
/
/
/
بالليل~
الساعه عشر
نجد نامت بدري وهي كعادتها.....، وساره جالسه في الجلسه اللي بنص البيت لان البيت عربي بس كبير وماسكه اللاب توب وتتفرج،،،،
طق باب البيت”
قامت ساره ببتسامه/ابووي جاي من السهره
طق الباب بهدووء
ساره وهي مستعجله/طيب طيب يبا
فتحت الباب وكان متعب/السلام عليكم
ساره تعرفه نزلت راسها واستحت/متعب!!!
متعب ماقدر يمنع نفسه يناظرها بلع ريقه/ايه متعب من انتي
ساره تضايقت/طيب صد وراك لاتناظر
متعب تذكر وصد علطول وهو خايف ومستحي/اسف ي بنت عمي والله نسيت والله ..اعذريني تكفين
ساره صدقته من نبرته ولان ابوها يحبه/طيب خلاص،،انا بروح اللحين وانت ادخل المجلس لين يجي ابوي من السهره من عند بو محمد
متعب/مشكوره
ساره مشت....،
متعب دخل المجلس وجلس يتخيل شكلها ببتسامه(ماشاء الله تبارك الله) انقطع قلبه لان هذي اللي بيتزوجها اخوه/آآه ي وليد لو تشوف زوجتك بسس” ندمت على كل كلمه قلتها بحق هالقرويه....

طقت باب المجلس وبصوتها الناعم/متعب
متعب فز واقف/هـ هـ هلا
ساره/اخذ القهوه
متعب جاء ومد يده من وراء الباب/هاتيها
ساره مدت الصحن/سم
متعب شاف يدينها وبلع ريقه/سم الله عدوك
ساره بأدب/يلا تفضل تقهوى علبال مايجي ابوي
متعب يبي يعرف اسمها فكر بطريقه/مشكوره ي نجد
ساره ابتسمت/انا سـآره ي متعب ولاتشكرني على ضيافتك هذا حقك يلا عن اذنك
متعب جلس يتقهوى وهو مبهوور فيها من صغرها/..الحمدلله موب نجد الحمدلله........لااا لاااا ”ساره” هــذي لي أنــآ اكيييد
/
ام ساره طلعت من غرفتها وشافت ساره جايه من المجلس/سااره جاء ابوك
ساره ببتسامه/لا يمه هذا متعب ولد عمي
ام ساره قبضها قلبها/بذمتك هذا متعب
ساره استغربت ردت فعل أمها/شفييك يماااه
ام ساره جلست من ضيقتها وتحلطم/شفيهم استعجلوا كذا!!!!
ساره/وش مستعجلين عليه يمااه شالسالفه...
/
/
/
دخل ابو ساره وينادي كعادته/ي بنااااات
ساره أشرت من بعيد ع المجلس...
بو ساره فهم عليها وراح المجلس/السلام عليكم...هلاااااا اررحبوووا
متعب قام وسلم/وعليكم السلام عمي
بو ساره ببتسامه/نووورت الديره..حي الله هالولد
متعب/تحيا وتدوم ياعم
بوساره/استريح ي ولدي استريح
متعب/عدوك الريح ي عمي شلونك وشلون اهل الديره
بوساره/كلهم بخير يمال الخير وشلون ابوك ذالقاطع
متعب/خبرك ي عمي مشاغله ماتخلص
بوساره/العمر يخلص والشغل مايخلص..هذا انت مشغول مثله بس كل بين فتره والثانيه اشوفك انت طلعت اطيب من ابوك هههههه
متعب/من طيبك ي عم
طق الباب~
ساره من وراء الباب/يبـآه
متعب اختلفت نبضات قلبه
بوساره/سمي
ساره/الشاهي
بو ساره بغى يقوم..
متعب رده/عنك ي عم والله ماتقوم وانا موجود قلها تمد الصحن وانا باخذه
بو ساره ابتسم/مانيب رادك...ي ساااره عطي متعب الصحن
متعب قام وراح ياخذه وقلبه بيطير/هاتي الشاهي ي ساره
ساره مدت الشاهي/سم متعب
متعب مد يده ومسك يدها متعمد ومسوي نفسه مايقصد/سم الله عدوك
ساره دق قلبها بقوه اول مره يلمسها رجال،ماقدرت تسحب يدها علشان مايطيح الشاهي وخلتها لين اخذ متعب الصحن وهربت...،
متعب تعب قلبه بعدما لمسها وتنهد(هبلتني) ودخل عند عمه فالمجلس....،
/
/
/
ساره جالسه بغرفتها وتفرك يدها اللي لمسها متعب وقلبها يدق بسررعه ماتدري ليه/شفيني انا...
ام ساره دخلت عليها/شفيك
ساره ناظرتها ببلاها/هاااه
ام ساره/علامك
ساره اخذت لحافها وتغطت فيه/ولا شيء يماه

ام ساره طلعت وراحت تطل على نجد بغرفتها/ي عمري ي نجد والله بزر ياناااس بزرر ،تنام بدرري وتصحى بدري واخر همها فلم كرتون تطالعه بالتلفزيون
ناظرت بغرفتها كلها وردي وابيض وليلكي فااتح..انواع الدمى واحجامها...اهتماماتها طفوليه عكس ساره اللي صارت بنت ناضجه..،
راحت وجلست على طرف السرير ومسحت على شعرها وهي تتذكرها وهي صغيره/الله يرحمك ي كاترين،بنتك طلعت تشبهك نفس الملامح،
نجد تحركت وفتحت عيونها بكسل/يماااه انتي هنا!
أم ساره ببتسامه مسحت دمعتها/اي يا عمري جايه اتطمن عليك نامي ي قلبي نامي
نجد رجعت تكمل نومها ...
ام ساره قامت وطلعت/الله يرحم امك وابوك ويخليك لي ولا يحرمني منك
/
/
/
/

/
اليوم هو يوم الخميس~
عبدالله بغرفته يجمع اغراضه بسرعه/يماااه غسلتي بدلتي السبورت
ام عبدالله/ايه وانا امك حطيتها عندك بالشنطه تحت الملابس بس تعال افطر
عبدالله حب على راس أمه/لا يماه بفطر برا..تأخرت ولازم امر على اختي وامي نوره واودعهم بعد
ام عبدالله/الله يستر عليك
بسام جاء من بعيد/عبداللـــــه وقف
عبدالله وقف/
بسام عمره 9 سنوات ضمه/تبي تروح من دون توادعني
عبدالله شاله ودار فيه/هو انا اقدر..كنت اظنك تلعب كوره برا
بسام/لا تنسى اللي قلتلك عليه
عبدالله ببتسامه/لا مانيب ناسي بس انتبه لأمك والبيت بغيابي... سلاااااام
امه واخوه/سلااام
عبدالله طالع من بيتهم بدرري وشنطته بيده وركب سيارته الشاص وراح لبيتها مسررع..........؛
/
/
/
/
/
متعب قام على أصوات العصافير والديكه وماكينات الماء التقليديه فالمزارع...حس بنشااط وحيويه طلع واتجه للمغاسل بيغسل ولمحها من بعيد رايحه للمطبخ واستغرب قومتها هالوقت وهي سهرانه”أبتسم” ( هالصباااح اللي شفتك فيه أحلى صباح من سنيين )
.
.

طق الباب بسررعه وهو يناادي/سسااااره
متعب استغرررب من هاللي عند الباب- ويناديها!!...
ساره راحت تفتح والشيله على رقبتها وشهقت وهي تضمه وتسلم عليه/عباااااادي
عبدالله/شلونك ساره شخبارك
ساره/بخير ي لبى قلبك وينك عنا تجي ولا نشووفك ماالك دااعي
عبدالله/فديتك انا جيت الثلاثاء وانشغلت عند اهلي وهذا انا ماشي و راجع جده
ساره لمست خده/ي عمري صاير اسمر هالمره
عبدالله وهو يربت على كتفها/السمار للرجال ههههههه
ساره رحمته/ي عمررري عليييك نااحف حيييل بعد
متعب يطالع من بعيد ومنقهر وقرر يطلع/يـــــآ ولـــــــد
ساره ارتاعت ورفعت الطرحه على راسها/يووه هذا متعب ولد عمي انا بدخل وانت سلم عليه والحقني
عبدالله وقف مستحي/
متعب طالعه بنص عين/من هنا؟
عبدالله ببتسامه/السلام عليكم...انا عبدالله الصاري
متعب/وعليكم السلام وش عبدالله؟؟؟أول مره اشوفك ليش واقف مع بنت عمي
عبدالله ببتسامه بيسوي مقلب/وانت شعليك مني كيفي
متعب ببتسامه عرف انه يقرب لهم ومد يده يسلم/شتقرب لهم
عبدالله مد يده وخامسه/اخوهم
متعب/أخوووهم!!!!
عبدالله وهو مستعجل/ايييه عن اذنك بروح اسلم على امي لاني بسافر مستعجل..فرصه سعيده متعب
دخل عبدالله<<<<<
متعب ابتسم براحه وراح المجلس بسكات...،
/
/
/
عبدالله وهو جالس مع ساره وامها...وقلبه يدور ”نجد”.../الا وين نجد ماشوفها
ساره بنص عين/بغرفتها...
ام ساره تضايقت/ساره قومي جيبي شاهي لأخوك
عبدالله /لا لا ما يحتااج انا ماااشي مستعجل
.
نجد تطالع فيه من شباك غرفتها وتنهد (الله معك حبيبي)
/
/
/


أتمـــنى تفاعلكم علشان أنزل بقية الــبــارتات







رد مع اقتباس
إضافة رد
مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:41 AM

Powered by vBulletin® Version 3.8.6
Copyright ©2000 - 2019, Jelsoft Enterprises Ltd
Ads Organizer 3.0.3 by Analytics - Distance Education